Хүйтний улмаас хүүхдүүд өвчлөх нь элбэг байна

Ховд аймгийн ихэнх сумдад цас хүйтний нөлөөгөөр малчид ялангуяа хүүхдүүд даарч хөрч, нойтон гутал хувцастай явснаас эрүүл мэнд нь муудаж ханиад хүрэх явдал газар авч болзошгүй талаар аймгийн Боловсрол соёлын газар тэрчлэн сумдад ажиллаж байгаа аймгийн Засаг тэргүүтэй ажлын хэсгийнхнээс мэдээлэл ирүүлэв.

Дөргөн суманд гэхэд 70 гаруй хүүхэд хичээлдээ явах боломжгүй байгаагийн багагүй хэсэг нь ханиад хүрсэн, бие нь өвдсөн хүүхдүүд байгаа аж. Тэрчлэн Чандмань, Мянгад, Булган, Алтай, Үенч суманд ч байдал иймэрхүү байгаа тухай ярьцгааж байв. Гэтэл аймгийн Эрүүл мэндийн газарт байгаа мэдээллээр бол хүүхдүүд ийнхүү өвчилсөн явдал бараг байхгүй гэж буй юм.

Албаны хүмүүс ийнхүү зөрүүтэй мэдээлэлтэй байгаа нь үүний мөрөөр тодорхой арга хэмжээ авах эсэх тухай шийдвэр гаргахад төвөг учруулж буй бололтой. Сумууд руу холбогдож асуухад тодорхой хэмжээнд дээр өгүүлсэн нөхцөл байдал үүссэн нь үнэн гэж байв.

Б.Сарантуяа гавьяат фенүүдтэйгээ төрсөн өдрөө тэмдэглэнэ.

Зууны манлай дуучин Б.Сарантуяа бага зэрэг борлочихож. Боровтор царай нь түүнд харин ч зохисон харагдана лээ. Аргагүй ч биз дээ. Монгол орноороо хөндлөн гулд аялаад ирсэн юм хойно. Төрсөн өдрийнхөө баярыг угтаж, хөдөөгийн олондоо “Хайрлаарай” уран бүтээлийнхээ цэнгүүнийг толилуулаад ирсэн гавьяат маань аялан тоглолтынхоо сонин сайхнаас сэтгүүлчидтэй хуваалцсан юм. Тэрбээр энэ сарын 19,20-нд “Улсын цирк”-т фенүүдтэйгээ хамт төрсөн өдрөө тэмдэглэх гэнэ.
-Аялан тоглолтынхоо сонин сайхнаас хуваалцаач. Хөдөөгийнхний амьдрал ямар байна?
-Анх 1996 онд “Хайрын бурхан” нэртэй аялан тоглолт хийж байлаа. 2000 онд “Хайрын зөрлөг”, 2004 онд “Би жаргалтай” гээд л дөрвөн жилийн давтамжтайгаар хөдөө орон нутгаар аялан тоглолт хийсэн. Энэ удаад “Өнөөдөр ирсэн дурлал” цомгийнхоо баярыг хөдөөгийнхөнтэйгөө хуваалцаад ирлээ. Өөрөөр хэлбэл, гавьяат цол аваад анх удаа л хөдөөгүүр аялан тоглолт хийгээд ирсэн хэрэг шүү дээ. Хөдөөгийнхөн маш сайхан хүлээж авсан гэдгийг онцолмоор байна. Бас нэг зүйлийг онцолж хэлэхэд аялан тоглолтод маань маш олон хүний сэтгэл зүрх, хөдөлмөр, хамтын ажиллагаа шингэсэн юм шүү. Сараагийн аялан тоглолтод оролцсон хамт олондоо баярлалаа гэж хэлмээр байна. Хөдөөгийнхөн нэг үеэ бодвол амьдрал нь дээшилжээ. Зам харгуй ч сайжирсан байна лээ. Тэд бидний тоглолтод чин сэтгэлээсээ хандаж байсанд маш их талархаж байгаа. Зритель дүүрээд л. Хүмүүс цонхны тавцан дээр зогсож байгаад миний тоглолтыг үзсэн. Сараагийн тоглолтыг үзэхийг хүссэн тэр олон хүнийг хараад би бахархсан шүү. 38 хоногт нийт 42 удаа тоглолоо. Зарим тохиолдолд өдөрт хоёр ч удаа тоглолт хийж байлаа. Хоолой цуцаж, ядарч зүдэрсэн зүйл байсангүй. Туршлагатай ч болсон байх. Ямар дууныхаа дараа ямар дуу дуулах вэ, ямар дуун дээр ямар гэрэл тусгах вэ гэдгээ хүртэл маш сайн зохион байгуулсан. Бас гарынхаа шавийг хөдөөгийнхөнд аваачиж танилцууллаа. Хөдөөгийнхний амьдралын тухайд зарим нэг зүйл дээр эмзэглэмээр, зарим зүйлийг нь бахармаар санагдсан. Хөгжиж, дэвжиж яваа сумд зөндөө тааралдсан. Нэг хэвэндээ бахь байдгаараа, дөрвөн жилийн өмнөхтэйгөө ижил газар ч цөөнгүй байсан шүү. Хөдөөгийнхөн Сараа ч дөрвөн жилийн дараа биш хоёр жилийн дараа ирээрэй гэсэн хүсэлт тавьж байлаа.
-Аялан тоглолтын үеэр бэрхшээл хүндрэл хэр их гарав уу?
-Бидний зүгээс нэг их хүндрэл гараагүй ээ. Аялан тоглолтыг “Хаан” банк, “Ньютел” компани, “Очир ундраа” төвийнхөн гээд олон газар ивээн тэтгэсэн. Хөдөөд зарим газар тог, цахилгаан их муутай байсан. Тоглолтын үеэр тог тасрах явдал хэд хэд гарсан л даа. Яана аа, тог тасарчих вий гэж айж байснаа нуухгүй. Яг үнэндээ тог тасрахаар сэтгэл зүйд ч нөлөөлдөг юм билээ. Гэхдээ энэ бол маш цөөхөн тохиолдсон бэрхшээл. Ихэнх газар биднийг их сайхан хүлээж авсан. Сумын клубууд их тохижсон байна лээ
-Ноднин жилийн төрсөн өдрөө нам гүмхэн өнгөрөөсөн. Энэ жилийн хувьд фенүүдтэйгээ төрсөн өдрөө тэмдэглэх гэж байна. Өмнөх тоглолтуудаас юугаар онцлог байх вэ?
-Хамгийн гол онцлог нь дөрвөн сарын 19-нд төрсөн үзэгчдэдээ “Өнөөдөр ирсэн дурлал” цомгоо гардуулах болно. Хэдэн хүн байсан ч хамаагүй цомгоо өгнө өө. Харин тэд бичиг баримттайгаа ирсэн байх ёстой шүү гэж дуулгамаар байна. Энэ тоглолтоос таван өөр имиж, таван өөр урсгал, таван өөр үзэгдэл, таван өөр Сарааг олж харж, сонсч, мэдрэх болно. Хөдөө явахдаа 150 гаруй дуу дуулахаар бэлтгэсэн. Зарим хүн өмнөх ХИТ болсон дуунуудаа дуулаач гэсэн хүсэлт тавьж байсныг бодолцож үзэхээр шийдсэн л дээ /инээв/
-Яагаад “Улсын цирк”-ийг сонгосон юм бэ?
-“UB палас” сайн л даа. Гэхдээ хойгуур суудлын хүмүүст тоглолт тийм ч сайн хүрдэггүй нь ажиглагдсан. Нөгөөтэйгүүр түрээс нь өндөр, тэгээд ч 6000 хүний суудалтай газар сонгочихоод хэн нэгэнд билет шахахыг хүсэхгүй байна. Намайг сонсдог, миний тоглолтыг үзэх хүмүүс нь л ирэг гэж бодсон юм. Улсын циркийн хувьд надад таалагддаг. Үзэгчид аль ч талаас маань намайг харах боломжтой. Энэ дашрамд нэг зүйлийг хэлэхэд, сүүлийн үед тоглолт давхцах явдал түгээмэл байна л даа. Хэн нэгэндээ шавар хаасан, хэн нэгийгээ шатаасан тоглолт олширсон байна. Урлагийнхан маань менежментгүй ч юм уу, эсвэл албаар нэгэндээ шавар хаадаг ч юмуу иймэрхүү үзэгдэл нэлээд гарах болж. Ариунаа, “Чингис хаан”-ы Жагаа бид хэд бол хоорондоо ярилцана шүү дээ. Чи одоо хийж байгаа бол би тоглолтоо хойшлуулъя гэх ч юм уу. Гэтэл Л.Банзрагч тоглолтоо хийж байхад С.Жавхлан давхцаж байх жишээтэй. Урлагийн нэр хүнд иймэрхүү байдлаас болоод унаж байна. Бас сонгуулийн “халтуур” урлагийн нэр хүндийг унагаад байгаа юм шиг санагддаг.
-Та сонгуулийн сурталчилгаанд явах уу. Мэдээж, танд маш олон саналд ирж байгаа байх.
-Би сонгуулийн сурталчилгаанд явахгүй ээ. Хүнд өөрийгөө үнэлэх үнэлэмж, урлагийн нэр төрийг хүндэтгэх сэтгэл байх ёстой. Миний хувьд мөнгө хөөхөөсөө илүү урлагийг л хөгжүүлэхийг хүсч байна.

Hilary Duff : Avril муу охин байх.

Hilary Duff шоу бизнест 10-н жилийн турш хүч сорин ажиллаж байгаа билээ. Гэвч тэрбээр үеийнхээ одууд шиг олон асуудалд ороод байдаггүй нэгэн билээ. Hilary Duff энэ тавдугаар сард гарах “Allure” сэтгүүлийн дугаарт ярилцлага өгчээ. "Allure" сэтгүүлд өгсөн ярилцлагадаа Hilary Duff : "Одоо үед бүх л хүмүүс хоорондоо өрсөлддөг. Энэ дундаас өөртэй чинь өрсөлдөөгүй ганц хүнийг ч олоход хэцүү” хэмээн ярьсан байна.

20 настай дуучин энэ өрсөлдөөнөөс хол байж чаддаггүй бололтой. Тэрбээр өөрийн үеийн одууд болох Lindsay Lohan, Miley Cyrus, Avril Lavigne нарын талаар “Allure” сэтгүүлийнхэнд яриад амжсан байна.

Lindsay Lohen-ы тухай: “Lindsay намайг өөрийнх нь найз залууг (Aaron Carter) булааж байсан гэж ярьсан байсан. Үүнд би итгэж ч чадахгүй юм. Тэр үед бид зөвхөн 13 настай хүүхдүүд байсан шүү дээ. Үүнээс гадна би хэзээ ч хэний ч найз залууг булааж байгаагүй. Түүний ярьсан энэ мэдээ биднийг эвгүй байдалд оруулаад зогсохгүй бид хоёрын хоёулангийнх нь нэр хүндийг унагаасан. Гэхдээ одоо бид хоёр энэ бүхнийг ардаа орхиж эвтэй байх болсон” гэж ярьлаа.

Харин Miley Cyrus-ын тухай: “ Хэдийгээр надад тэрний утасны дугаар, түүнд миний дугаар байхгүй ч Miley тааралдах болгондоо их найрсаг ханддаг. Түүний энэ зан миний зан ааштай төстөй” гэж ярьсан байна.

Тэгвэл Avril Lavigne-ийн талаар Hilary Duff юу гэж ярих бол?

Тэрбээр Avril-ын талаар: “Би Avril-ын талаар нэг юм хэлмээр байна. Үүнийг тэр яаж хүлээж авахыг сайн мэдэхгүй ч Avril фенүүдээ өөртэй нь адилхан хувцаслахад дургүй байдаг. Avril намайг "Newsweek"-д ээжийн жаахан охин гэж хэлсэн байсан. Хүн бүр л өөрийгөө яаж аашилж байгаагаараа бусдад таниулдаг. Тэгвэл түүний хэлснээр бол би сайн охин. Харин Avril өөрөө муу охин аль эсвэл шоучин охин байх. Avril ямартай ч сайн охин биш” гэж ярьсан байна.

Jessica Simpson яагаад эмнэлэгт хэвтсэн бэ?

Jessica Simpson өнгөрсөн гуравдугаар сарын 28-ны өдөр эмнэлэгт хэвтсэн талаар бид мэдээлж байсан билээ. Гэтэл түүний эмнэлэгт хэвтсэн гол шалтгаан нь ганцхан бөөрний үрэвсэл биш байсан бололтой. “Star” сэтгүүлийн мэдээлснээр дуучин бүсгүй найз залуу Tony Romo-гийн хамт сарын турш согтууруулах ундаа хэрэглэснээс түүний биеийн байдал муудаж эмнэлэгт ирсэн байна. Jessica эмнэлэгт байх үедээ эмч нараас жирэмсний тест байна уу гэж асуусан нь тэднийг шоконд оруулаад амжсан гэнэ. Гурван хоногийн турш эмнэлэгт хэвтсэн Jessica бөөрний үрэвсэл зэргээ эмчлүүлж байсан гэнэ.

Дуучин бүсгүй эмч нараас жирэмсний тест асууж байхдаа ихэд цухалдсан байснаас гадна “Гурван долоо хоног хоцорч шалгаж байна” гэж хэлсэн бөгөөд жирэмсэн болсон гэдэгтээ итгэлтэй байсан гэнэ.

2006 онд Nick Lachy-гээс салснаас хойш Jessica олон залуучуудтай болзож байсан билээ. Тэдний нэг Tony-той арваннэгдүгээр сараас эхэлж болзсон бөгөөд түүнтэй нийлснээс хойш дуучин бүсгүйн шоу цэнгээний газраар явж, архи уух нь хэтэрсэн юм.

Ричард Гир Монголд ирнэ.

Тэрбээр АНУ-д ажиллаж амьдарч байгаа, урлагийн гавьяат зүтгэлтэн И.Нямгаваатай хамтран Хубилай хааны тухай кино хийж байгаа аж. Энэ ажлынхаа хүрээнд тэд ирэх оны дундуур Монголд ирэхээр ярилцаж тохиролцжээ.

Ричард жаран насыг шүргэж яваа ч “People” сэтгүүлээс жил бүр уламжлал болгон явуулдаг “Хамгийн дур булаам 50 залуу” санал асуулгаас нэр нь хасагдаагүй байгаа.

Тавин насандаа үрийн зулай үнэрлэсэн тэрбээр Болливудын хатан хаан гэгддэг Айшвирий Райг олны нүдний өмнө уруул дээр нь үнсэж сeнсааци дэгдээж байсан нь саяхан. Тэрбээр өвөг дээдсээ Монголоос гаралтай гэж үздэг. Ричард арван жилийн өмнө манай оронд зочлохдоо гудамжны хүүхдүүдэд санаа зовж буйгаа илэрхийлж байсан билээ.
414 унш

“Гурван охин”-ынхон кино хийж байна.

Учир нь тэд хамтдаа Монголд анх удаа хийж буй хөгжимт кинонд тоглож байгаа юм. Уг киноны гол дүрд нь тус хамтлагийн Анхаа тоглож байгаа бөгөөд залуусын хайр дурлалын тухай өгүүлэх кино аж. Мөн бие даасан шинэ цомгийнхаа ажилд ч ханцуй шамлан орсон байна.

Гандан бууршгүй дуулалт авхай

Гандан бууршгүй дуулалт авхай хэмээн алдаршсан Оросын алдарт дуучин, Алла Борисовна Пугачёва өчигдөр 60 насны босго алхлаа. Тэрбээр их урлагийн тайзаа орхиж, тайван амьдралыг сонгох болсноо өнгөрсөн сард мэдэгдсэн бөгөөд үүнтэй холбогдуулан хамгийн сүүлчийн аялан тоглолтоо өнгөрсөн даваа гаригт Москвагаас эхэлсэн.

“Гурван өнгийн хэмнэл”-ийг долоон удирдаач удирдана

Улсын филармониос энэ оныг “Сонгодог урлагийн жил” хэмээн зарласан. Улсын филармонийн харьяанд Симфони найрал хөгжим, Морин хуурын чуулга, “Баян Монгол" жааз найрал хөгжим гэсэн мэргэжлийн хөгжмийн хамтлагууд багтдаг. Тэгвэл энэхүү гурван том хамтлаг хамтран “Гурван өнгийн хэмнэл” сонгодог концертоо тавих гэж байна. Тоглолт маргааш 19.00 цагаас Улсын Филармонийн концертын танхимд ганцхан удаа болно. Шилдэг тоглолтуудын шилдэг уран бүтээлүүдээс түүвэрлэн хүргэх тус тоглолтыг Улсын филармонийн долоон удирдаач удирдан тоглуулах юм. “Гурван өнгийн хэмнэл” концертоос дэлхийн болон Монголын шилдэг сонгодог бүтээлүүдийг сонсоорой.

Шекспирийн зургаан бүтээлийг оллоо

Шекспирийн уран бүтээлийг судлаач Жон Кэссон агуу зохиолчийн нэлээд эрт үеийн зургаан бүтээлийг олсон гэж баталж байна. Тэрбээр сүүлийн гурван жил хийсэн эрэл, хайгуул, судалгаандаа тулгуурлан бичсэн номондоо Шекспирийн “Фаэтон” сонет, “Муцедор” инээдмийн жүжиг, “Локрин ноёны эмгэнэлт явдал”, “Йоркширийн эмгэнэлт явдал”, “Арден Фэвершэм” болон “Томас Вудсток” жүжгийн зохиолыг нь олсон гэжээ. Эдгээр бүтээл Кэссоноос өмнө ч Шекспирийнх гэгдэж байсан ба Британийн эрдэмтэн зөвхөн жүжгийн хаанд хамаатайг ул суурьтай үндэслэж байгаа гэж “Telegraph” бичсэн байна.

Судлаачийн үзэж буйгаар, “Фаэтон” бол Шекспирийн хамгийн анх хэвлэгдсэн шүлэг, харин “Муцедор” бол хамгийн анх нийтлэгдсэн инээдмийн жүжиг. Эрт үеийн “Арден Фэвершэм” болон “Локрин ноёны эмгэнэлт явдал” жүжгүүд нь XVI зууны 90-ээд оны эхээр зохиогчийн нэргүйгээр хэвлэгдэж байжээ. Доктор Кэссон Шекспир утга зохиол руу шууд л том хэмжээний бүтээлүүдээр орж ирээгүй гэдгийн батлахыг оролджээ.

Харин сүүлийн үед яригдах болсон Уильям Шекспир гэдэг нэрийн дор нуугдах хувь хүний тухайд Кэссон санал нэг байгаа аж. Гэхдээ эмэгтэй хүн биш VIII Генрих хааны загалмайлсан, Английн сурвалжит язгууртан, ноён Генри Невилл (Henry Neville) бол Шекспир мөн гэдгийг зөвшөөрч буй аж. Дашрамд дурдахад, өөр хувилбараар, Шекспир нь Рэтлэндийн гүн Рожер Мэннерс (Roger Manners, Earl of Rutland) гэгч байсан гэдэг таамаг бий.

“Universe best songs”-ын ялагч ирэх пүрэв гаригт тодроно

Үзэгчдийг үдэш бүр цэнхэр дэлгцийн өмнө уяж буй UBS -ын "Universe best songs" нэвтрүүлэг тун удахгүй ялагчаа тодруулах юм байна. Өөрөөр хэлбэл оролцогчдоос тунаж үлдсэн шилдэг 25 "дуучин" ирэх сарын 3-4-нд буюу ирэх долоо хоногийн лхагва, пүрэв гаригт гала тоглолтоо зохион байгуулах юм байна. Шүүгчид гала тоглолтын сүүлийн өдөр буюу 4-нд Univers best songs-ийн ялагчийг тодруулж амласнаа биелүүлэх нь ээ. Тоглолтын тасабар маргаашнаас борлуулалтад гарах ажээ.
Дашрамд дуулгахад шилдэг 25 оролцогч ирэх сараас хөдөө орон нутгаар яалан тоглолтод мордох юм байна.

Загварын 7 хоног , Гоёл-2010 тун удахгүй...

“Гоёл” энэ бол загвар өмсөгчид бас сонирхогчдын хvсэн хvлээдэг наадам болсоор уджээ. Жил бvр шилдэг загвар өмсөгч, шилдэг загвар зохион бvтээгчдийг шалгаруулдаг энэ наадамд сvvлийн жилvvдэд гадны орны уран бvтээлчид хvч авьяасаа сорих дуртай болсон. Тэгвэл энэ жилийн “Гоёл-2010” наадам ирэх сарын 8-15-ны өдрvvдэд зохион байгуулагдах гэж байна.
Мөн vvний дараа “Шилмэл загвар” компаниас зохион байгуулдаг “Торго” загварын шоу болох гэж байна. Иймд загвар өмсөгчид маань нэлээн завгvй байгаа сурагтай. Завгvй байгаа нь цаанаа учиртай. “Гоёл” наадам жилээс жилд өргөжин тэлж байгаа учраас өрсөлдєх загвар зохион бvтээгчид ч нэлээд нэмэгдсэн. Иймд “Гоёл” наадам маань барууны орнуудын хэв маягыг нэвтрvvлж анх удаа загварын долоо хоног хэлбэрээр энэ жил зохион байгуулагдахаар болсон байна. Оролцож байгаа байгууллагууд нэг нэг өдөр өрсдийн бvтээлээ сонирхуулах бөгөөд энэ хэрээрээ загвар өмсөгчдөөс ур чадвар шаардах юм. Харин төгсгөлийн гала тоглолт нь “Соёлын төв өргөө”-нд болж аваргуудаа тодруулна. Загварын долоо хоног хэлбэрээр явагдах тул өмнө нь оролцож чадаагvй байгууллагуудаас гадна гадаадын нэлээн хэдэн орноос загвар зохион бvтээгчид, загвар өмсөгчдийнхөө хамт ирэх аж. Тухайлбал Хятад, Орос, Солонгос, Япон зэрэг орны уран бvтээлчид загваруудаа сонирхуулж монголын загвар зохион бvтээгчидтэй өрсөлдөнө.

‘’Miss World-2009’’ тэмцээний оролцогч тодорлоо.

Өмнөд Африкийн Йоханессбург хотод ирэх сарын эхээр зохион байгуулагдах "Miss World-2009" тэмцээнд эх орноо төлөөлж оролцох гоо бvсгvйг тодруулжээ.59 дэх удаагийн энэхvv тэмцээнд өрсөлдөх ээлжит оролцогчийг "Desoft media” студиэс шалгаруулсан бөгөөд "Монгол модель" агентлагийн загвар өмсөгч Б.Батцэцэг тэнцсэн ажээ. Тэрбээр гадаадын томоохон агентлагуудад загвар өмсч байсан төдийгvй өдгөө ч хэд хэдэн газарт ажилладаг ажээ. Загварын ертөнцөд багагvй амжилт гаргасан модель бvсгvй "Miss World-2009" тэмцээнд эх орноо төлөөлж өрсөлдөх дөрөв дэх оролцогч болж байгаа юм.Тэрбээр тус тэмцээнд өмнө нь оролцож байсан мисс бvсгvйчvvдээс илvv амжилт гаргаж, эх орныхоо нэрийг дэлхийн тавцанд гаргах томоохон зорилт тавьснаа ч нуусангvй. "Miss World-2009" тэмцээнд өмнө нь мисс Г.Хонгорзул, Э.Сэлэнгэ, Г.Оюунгэрэл, Ч.Анун нар оролцож, тодорхой хэмжээний амжилт гаргаж байсан билээ.

1990 оны хит дуунууд цомог болжээ

"Хар сарнай" хамтлаг тус тусынхаа уран бүтээлд шамдаад нэлээдгүй хугацаа өнгөрч байна. Тус хамтлагийн дуучин Маадай "Next star" нэртэй студи байгуулан бусад хамтлаг, дуучдын бүтээл дээр ажиллах болсон. Тэгвэл энэ удаа тус студи 1990 оны хит дуунаас түүвэрлэн цомог гаргажээ.

Уг цомогт дуучин Бат-Оргилын "Аж богдын харуул", "Хос багана" зэрэг 10 гаруй дуу багтсан байна. Мөн тус цомгийг цуврал болгон хэвлүүлэхээр болжээ. Мөн удахгүй 2000 оны хит дуугаар цомог гаргах аж.

Киви таван нас хүрлээ.

Рок, попын ертөнцөд өөрийн гэсэн стиль, имиж өнгө төрхөөрөө ялгардаг "Киви" хамтлаг байгуулагдаад таван жил болжээ. Тэгвэл уран бүтээлчид маань тун удахгүй өнгөрсөн хугацаанд хийж бүтээснээ сонсогчиддоо тайлагнах гэж байна. Саяхан таван жилийнхээ баярт зориулсан “Хүсэл" нэртэй цомгоо өлгийдсэн “Киви"-гийнхэн энэ удаа "Хүсэл" хэмээх тоглолтондоо бэлдээд завгүй явна. Тэд энэ удаагийн тоглолтоороо дуулахаас гадна бүжиглэнэ тэр байтугай жүжиглэж магадгүй гэсэн.

Сараагийн шинэ цомог

Манай рок попын ертөнцөд өөрийн байр сууриа аль хэдийн олж, ард түмнийхээ хайр хүндэтгэлийг даасан шиг дааж явдаг дуучин бол Монгол Улсын Гавъяат жүжигчин, поп хатагтай Сарантуяа. Тэгвэл дуучин бүсгүй шинэ уран бүтээлийнхээ ажилд ханцуй шамлаад ихэд хөдөлмөрлөж байгаа сурагтай. Түүний энэ удаагийн шинэ цомог нь өмнөх бүтээлүүдээс нь огт өөр өнгө аястай бөгөөд өөрийгөө "эвдсэн" өвөрмөц байдлаар бүтээгдэж байгаа нь үзэгч фенүүддээ барих нэгэн том бэлэг аж. Үүгээр ч зогсохгүй, дуучин бүсгүй шинэ тоглолтоо хүртэл төлөвлөж байгаа сурагтай.

Дуучин Д.Болд 30 нас хүрлээ

Энэ өдөр дуучин Д.Болд төрсөн өдрөө тэмдэглэлээ. Жил бүр найз нөхөд, гэр бүлийнхээ хүрээнд даруухан өнгөрөөдөг дуучин маань нэгэн хүслээ биелүүлэхээр сонсогчидтойгоо баярладаг болно гэсэн. Энэ удаа түүнтэй холбогдож, төрсөн өдрийн мэнд хүргэх гэсэн ч утсаа авах завгүй баярлаж байгаа бололтой.

Тэрбээр сүүлийн үед зууны манлай хуурч Г.Жамьян агсны дурсгалд зориулсан "Морин хуур минь" нэртэй дуундаа клип хийлгэж байна. R&B стилиэр уран бүтээлээ туурвидаг дуучин маань хөөмий, уртын дуу хослуулсан шинэ төрөлд ихэд хорхойсох болсон юм. Мөн "В" продакшн нь тарсан ч тэрбээр шинэхэн багаа бүрдүүлэх ажилдаа хэдийн оржээ.

“Freezone” талархалын тоглолтоо хийнэ

"Freezone" хамтлага арван жилийн ойн баярын хүрээнд урлагийхан болон бизнес эрхэлдэг 250 хүнд зориулсан тоглолтынхоо ажилд ороод байна. Тоглолтоо “A sound” хамтлагтай хамтран дуулах бөгөөд мөн дуучин Солонго, “Камертон” хамтлагийн дуучин Батсүх зэрэг дуучид “Freezone” хамтлагийн дуунуудыг дуулж үзэгчиддээ сонирхуулах гэнэ. Тус хамтлагийнхан тоглолтоо арванхоёр дугаар сарын 13-нд хийхээр төлөвлөж байгаа аж.Түүнчлэн өнгөрсөн жилүүдэд гаргаж байсан зургаан цомгийнхоо шилдэг дуунуудаас бүрдсэн шинэ цомгийг арванхоёр дугаар сарын дундуур худалдаанд гаргах юм байна.

Монгол хүн их хэмжээний мөнгө хожлоо

Энэ сарын 26-нд Солонгосын “Grand Korea Leisure” компанийн гадаад иргэдэд үйлчилдэг казиногийн автомат тоглоомоос монгол хүн их хэмжээний мөнгө хожсон байна. “Slot machine” гэдэг автомат машинаас 30 орчим насны монгол иргэн Ж нь “Mr Jackpot Level”-ийг задалж193.236.182 вон буюу монгол мөнгөөр 239.612.865 төгрөг хожсоныг зар сурталчилгаа хариуцсан ажилтан Жон Гон Шиг мэдэгдлээ.

Сюзан Бойлын шинэ цомог Их Британид рекорд тогтоолоо

Их Британийн шилдэг авьяастанг шалгаруулах “Авьяаслаг британичууд” телевизийн шоунд оролцож, ганцхан шөнийн дотор дэлхийн хэмжээний од болон хувирсан Шотландын дуучин Сюзан Бойлын анхны цомог худалдаанд гарсан даруйдаа борлуулалтаараа тэргүүлж, Британийн 2009 оны хамгийн хурдан гүйлгээтэй цомгоор шалгарчээ. “I Dreamed a Dream” нэртэй түүний анхны цомог шилдэг цомгийн жагсаалтыг тэргүүлэх болж, өдгөө 410 мянган хувь борлогдоод байгаа нь Их Британийн дебют цомгийн борлуулалтын түүхэнд байгаагүй өндөр амжилт гэнэ. Өнгөрөгч дөрөвдүгээр сард түүний бичлэг интернэтэд тавигдсаны дараа 300 сая онлайн үзэгчдийг татаж чадсанаар дэлхийн урлагийн ертөнцөд томоохон шуугиан дэгдээсэн билээ. Сүмийн сайн дурын ажилтан байсан 48 настай Сюзан Жей Лено, Опра Уинфри зэрэг алдартай ток шоунд урилгаар оролцож байсан юм. Түүний шинэхэн цомог зөвхөн Их Британи төдийгүй Австрали, Ирландын шилдгүүдийн жагсаалтыг тэргүүлж эхэлсэн бөгөөд энэ байдал АНУ, Канад болон Шинэ Зеландад ч давамгайлах төлөвтэй байгаа ажээ.

Мэрайя Кэри аялан тоглолт хийнэ.

Дэлхийн хэмжээнд 200 сая гаруй цомог борлуулсан поп, R&B дуучин Мэрайя Кэри Хойд Америкийн хэмжээнд аялан тоглолт хийхээр шийдэж, энэ сарын 31-нд буюу 2009 оны хамгийн сүүлийн өдөр аялан тоглолтоо эхлүүлэхээр болжээ. Сүүлийн гурван жил гаруй хугацаанд аялан тоглолт хийгээгүй тэрбээр энэ оны дундуур "Memoirs of an Imperfect Angel" нэртэй 12 дахь бие даасан цомгоо гаргасан билээ. Шинэ цомгийн хүрээнд хийгдэж буй аялан тоглолт найман долоо хоног үргэлжилж, Хойд Америкийн 19 хотод тоглогдох ажээ. "Angels Advocate" нэртэй аялан тоглолтын нээлтийн тоглолт энэ сарын 31-нд Нью-Йорк хотын "Madison Square Garden"-д болох бол хаалтын тоглолт 2010 оны хоёрдугаар сарын 27-нд Лас Вегас хотын "The Pearl Concert" театрт болох юм байна. Дашрамд дурдахад, 1988 оноос хойш тасралтгүй уран бүтээлээ туурвиж буй дуучин бүсгүйн "Memoirs of an Imperfect Angel" цомог зөвхөн АНУ-ын хэмжээнд 344 мянган хувь борлогдсон байна.

Орландо Блум Миранда Керр нам сүй тавьлаа.

“Карибийн тэнгисийн дээрэмчид” киногоороо алдаршсан Британийн жүжигчин Орландо Блум болон түүний найз бүсгүй, алдарт "Victoria’s Secret"-ийн сахиусан тэнгэр, Австралийн супермодель Миранда Керр нар гурван жил үерхсэний эцэст сүй тавьжээ. Хосууд өөрсдөө энэ мэдээллийг үгүйсгэж, харилцааныхаа талаар нууцалж байгаа боловч Мирандагийн ах дээрх мэдээллийг баталсан байна. Түүний хэлснээр хосууд Мороккод амарч байх үеэр Орландо хайртай бүсгүйдээ гэрлэх санал тавьж, хосууд сүй тавьсан гэнэ. Тэд ирэх зун гэрлэх бололтой.Орландо Блум өмнө нь жүжигчин Кейт Босворттой дөрвөн жил гаруй хугацаанд хамт амьдарч байгаад 2006 онд салсан бөгөөд Мирандатай учрахаас өмнө Холливудын олон сайхан бүсгүйчүүдтэй нэр холбогдож явсан юм.

Жизель Бюндхен ээж боллоо

Алдарт “Victoria’s Secret”-ийн сахиусан тэнгэрээр өргөмжлөгдөж байсан Бразилийн загвар өмсөгч, супермодель Жизель Бюндхен болон түүний нөхөр Америкийн мэргэжлийн хөлбөмбөгийн “Нью-Ингланд Патриотс” багийн тоглогч Том Брейди нар анхныхаа үрийн зулайг үнэрлэжээ. Жизель энэ сарын 9-нд амаржиж, хүү төрүүлсэн бөгөөд бяцхан хүүгийн нэр болон бусад дэлгэрэнгүй мэдээллийг одоохондоо нууцалж байна. Өдгөө 32 настай Жизелийн хувьд анх удаагаа ээж болж байгаа бол Том Брейди хоёр настай Жон гэх хүүтэй юм. Жизель, Том нар энэ оны хоёрдугаар сард Лос-Анжелес хотноо ойр дотныхны хүрээнд католик заншлаар даруухан хуримласан бөгөөд удалгүй дөрөвдүгээр сард Коста-Рикад нүсэр том хуримын ёслол хийж, хуримын тангаргаа өргөсөн юм.

86

Дима Биланы паян.

Саяхан Москвагийн "Олимпийский" спорт цогцолборт дэлхийг тойрох аялан тоглолтоо эхэлсэн Уитни Хьюстон Оросын од Дима Биланаас болж эвгүй байдалд оржээ.Уг нь Дима Билан Хьюстоны тоглолтын өмнө үзэгчдийг халаах маягаар таван дуу дуулах ёстой байж. Тэрбээр өөрөө энэ талаар Америкийн талтай тохиролцсон аж. Тэгээд тохирсон ёсоор сургуулилт хийж, тоглолт эхлэхэд бэлэн болжээ.Гэрэл унтарч, Дима тайзан дээр гарахаар шатаар өгссөн ч гэнэт зогсч, Уитни Хьюстон өөрөө түүнийг зарлахгүй бол гарахгүй хэмээн мэдэгдсэн байна. Түүнд халаалтад гарах жүжигчинг зарлах ёсгүй гэж хичнээн тайлбарласан ч нэмэр болсонгүй.Уг нь Димаг дуулж дуусаад Уитнид тайзаа хүлээлгэн өгөх үед түүнийг танилцуулна хэмээн тэд тохирсон аж. Эцсийн эцэст Билан тайз руу гарахыг зөвшөөрсөнгүй. Иймээс Хьюстон өөрөө 10 минутын дараа тайзан дээр гарна хэмээн мэдэгджээ. Уг нь тэр 40 минутын дараа гарах ёстой байсан аж.Уитни Хьюстон тансаг эдлэлд дуртай, ялангуяа оросын үслэг эдлэлд нугасгүй нэгэн. Энэ удаа дэлхийн соул хөгжмийн од гэртээ Оросын загвар зохион бүтээгч Елена Ярмакийн хоёр гоёмсог шуб авч харихаар шийджээ. Нэгийг нь тэрбээр энэ тоглолтын үеэр өмссөн байна.

Авъяаслаг Украинчууд шоуны ялагч "Элсэн хатагтай"

Авъяаслаг Украинчууд шоуны ялагч "Элсэн хатагтай" хэмээн нэрлэгдэх болсон Ксэния Симонова хэмээх 24 настай бүсгүй Украйны нэгэн жижиг хотод төрж өсчээ.Өнгөрсөн 6-р сард болсон "Авъяаслаг Украйнчууд" шоунд залуухан гоолиг, даруухан дүр төрхтэй нэгэн бүсгүй оролцож гайхалтай урлагийн тоглолт үзүүлэн олныг гайхшруулсан юм. Нэвтрүүлэгт ялах эсэхийг үл харгалзан түүний бичлэгийг 10 сая гаруй хүн Youtube сайтаас үзэж байв.Симонова нэвтрүүлэгт оролцохоосоо өмнө гоёл чимэглэлийн ажил хийн эгэл жирийн гэр бүлийн амьдралаар амьдардаг байв. Симонова шоунд гайхалтай урлагийн бүтээл үзүүлэхээс гадна түүний бүтээлүүд ихэвчлэн Дэлхийн II-р дайны үйл явдлыг өгүүлсэн нь олны таашаалыг хүртсэн юм. Тэрээр гэрэлт самбар дээр элсийг шүрших мэт асган түүн дээр хөгжмийн аянд тохируулан хүнд олон зүйлийг бодогдуулам төрөл бүрийн зураг зурдаг билээ.Мөн тэрээр шагналынхаа нэлээд хэсгийг буяны үйлсэд зориулан сэтгэлийн их өглөг өгч "Амьдрал нарны гэгээ" кампанит ажил зохион байгуулж үр хөндөлтийн эсрэг болон ядуу зүдүү хүүхэд, эхчүүдэд туслах зорилготой ажиллаж байгаа ажээ. Мөн түүнчлэн гадаадад эмчлүүлж буй хүнд өвчтэй олон олон хүүхдүүдийн зардлыг даадаг ажээ. "Хүүхэд бүр гайхамшиг, миний амьдрал тэдэнтэй салшгүй холбоотой. Би бодохдоо тэд надад авьяас хайрладаг. Миний шагналаар авсан мөнгө тэдгээр хүүхдүүдэд туслахад хангалттай хүрэлцэнэ гэж би бодож байна" хэмээн хэлжээ.

"Чоно" “Хурд"-аар амьсгалах нь

Хүүхэд залуусын сонсох, үзэх дуртай хамтлагийн нэг "Чоно"-ынхон шинэ оноо Австрали улсад угтахаар төлөвлөжээ, Тэд Австралид суугаа Монголчууддаа сэтгэлийн бэлэг өргөж тоглолт зохион байгуулах гэнэ.

Ингэхдээ өөрсдийн уран бүтээл бус “Хурд" хамтлагийн дуунуудыг түлхүү дуулахаар болжээ. Мөн дууны аянд хамгийн сайн бүжиглэсэн 10 залууг шалгаруулж гарын үсэг бүхий цомгоо бэлэглэх аж.

"Дашрамд дурьдахад, Австралид суугаа Монголчууд жил бүр хамтдаа шинэ жилээ тэмдэглэдэг уламжлалтай бөгөөд анх удаа хүний нутагт Монголынхоо хамтлагтай шинэ оноо угтах аж.

Селин Дион хамгийн өндөр орлоготой дуучин

Канадын поп од Селин Дион “Лос-Анжелос Таймс” сониноос гаргасан сүүлийн 10 жилд хамгийн их орлого олсон шилдэг 10 дуучны жагсаалтыг тэргүүллээ. Энэхүү жагсаалтыг дуучдын аялан тоглолтоос болон цомгоо борлуулж олсон орлогыг тооцоолон гаргажээ. 2000-2009 оны хооронд Дион 747.9 сая ам.доллараар түрийвчээ түнтийлгэж, үүнээс 225.7 саяыг цомгоос, 522.2 саяыг аялан тоглолтоос олсон байна. Жагсаалтын хоёрдугаар байрт кантри дуучин Кенни Чесни 742 саяар орсон бол түүний араас “Dave Matthews Band” хамтлаг 737.4 сая ам.доллараар жагсчээ.

Үүнээс хойшх байруудад хөгжмийн ертөнцийн жинхэнэ акулууд байна. Жишээ нь 627.3 сая ам.доллараар “The Beatles” хамтлагийн дахин хэвлэгдсэн цомгууд, 609.7 саяар алдарт “U2” хамтлаг дөрөв, тавдугаарт оржээ. Шилдэг аравт Брюс Спрингстон (588.3 сая), “Роллинг Стоунз” (569.6 сая), Тим Макгроу (550.7 сая), Бритни Спирс (494.3 сая) нар багтсан байна.

Бусад хэвлэлүүдийн гаргасан жагсаалтыг Селин Пион тэргүүлж чадаагүй. Жишээ нь, “Форбс”-ын жагсаалтыг Мадонна, “Биллборд”-ынхыг Эминем тэргүүлжээ.

“A Sound” хамтлаг шинэ цомгоо гаргана

“Уянга”, “Шал дэмий”, “30 жил хамт байхсан”, “Forever” зэрэг дуугаараа залуусыг байлдан дагуулсан “A Sound” хамтлагийнхан шинэ цомог гаргах ажилдаа орсон байна.

Тус хамтлагийн дуучин Ц.Тэмүүлэн “Манай хамтлагийнхан хоёр дахь цомгийн ажилдаа орлоо. Хоёрдугаар сард цомгийн бичлэгтээ орно” гэлээ. “A Sound” хамтлаг нь өнгөрсөн 2008 онд анхны “Release” цомгоо гаргаж, өнгөрсөн 2009 оны дөрөвдүгээр сарын 17, 18-нд “UB Palace”-ын Royal танхимд бие даасан тоглолтоо хийж байсан билээ.

“Муза” цомыг алтаар бүржээ

“Гэгээн муза” наадамд 17 номинацийн эзэн “Муза”-гийн цом гардан авна. Энэ жилээс эхлэн “Муза” цом 999 сорьцын алтаар бүрж байгаа юм байна. Оскар наадмын цомыг таван грамм алтаар бүрдэг бол “Муза“ цомыг бүрэхэд 2.1 грамм алт орох юм байна.

Жил бүрийн “Гэгээн муза” наадмын цомыг ДУДС-ийн багш, оюутнууд хамтран урладаг. Харин Гранпри хүртсэн уран бүтээлийн багийг таван сая төгрөгөөр шагнах аж.

“Зохиолчид- Оюуны язгууртнууд” үзэсгэлэн нээгдлээ

Яруу найрагч Р.Чойном цөллөгт байхдаа модны үндсээр үнэгний дүртэй үзэгний сав сийлж, морин хуур урлан, түүгээрээ тоглодог байжээ. Тэр ч байтугай яруу найрагч эсперанто хэлний сурах бичиг хүртэл зохиосон байна. Тэгвэл эрдэмтэн, зохиолч Ш.Гаадамба монгол шатар сийлсэн байдаг бол билгүүн номч Б.Ренчингийн хөрөг зурагтай дугтуй байдаг аж.

Энэ бүхнийг нүдээр үзэх боломжийг “Зохиолчид-Оюуны язгууртнууд” сэдэвт үзэсгэлэн олгож байна. Монголын үндэсний музейд өнөөдөр нээгдсэн энэ үзэсгэлэнд яруу найрагч Б.Лхагвасүрэнгээс Л.Нямаад, Б.Явуухулангаас Ш.Сүрэнжавт бичсэн захидал, О.Дашбалбар, Ш.Сүрэнжав нарын шүлгийн дэвтрээс эхлээд нэрт зохиолчдын эдэлж хэрэглэж байсан эдлэл, ховор нандин гэрэл зураг, тэдний зурсан зураг, 1990-ээд оноос хойш үеийн залуу уран бүтээлчдийн шүлгээс сэдэвлэн туурвисан каллиграфчид, зураачдын бүтээлүүдийг дэлгэжээ.

Тус музейгээс санаалан үзэгчдэд толилуулж байгаа энэ үзэсгэлэн нь орчин үеийн Монголын утга зохиолын нүүр царай, төлөөлөл болсон нэрт бүтээлчдийн өвд түшиглэн гаргаж байгаа анхны үзэсгэлэн ажээ.

Утга зохиол хэмээх цогц соёл, түүнийг бүтээн туурвигчдын өвийн талаар нэгдсэн ойлголт, мэдээлэлтэй болох, цаашдаа эдгээр өвийг хэрхэн хадгалж, хамгаалан хойч үедээ өвлүүлэхэд хувь нэмэр оруулах үүднээс дээр үзэсгэлэнг зохион байгуулжээ.

Урлагийн бурхадын ордонд намайг…

Монголд хамгийн алдартай олон хөгжмийн зохиолчдыг төрүүлсэн нутаг бол Баянхонгор гэгддэг. Төрийн шагналт С.Гончигсумлаа, Г.Бирваа, МУГЗ Ч.Сангидорж зэрэг Монголын сонгодог урлагийн хөгжилд томоохон хувь нэмэр оруулсан хөгжмийн зохиолчид хонгор нутгаас төрсөн.

Харин Баянхогороор овоглодог дуурийн дуучин ердөө ганц төрсөн нь ДБЭТ-ын гоцлол дуучин Ширмэнгийн Наранчимэг. Нутгаасаа төрсөн ганц дуурийн дуучин тэрээр ангиасаа сонгодог урлагаар замнасан мөн л ганц дуучин. Тэрээр СУИС-ийг 2003 онд дуурийн дуулаач мэргэжлээр төгссөн бөгөөд эдний ангиас МУГЖ С.Хонгорзул, С.Жавхлан, Т.Баясгалан, дуучин Л.Чулуунбаатар гээд өдгөө уран бүтээлээ туурвиж яваа залуу авъяастнууд төрөн гарчээ.

Хожим Италийн Ром хотын Санта Чилийн консерватурт суралцаж төгссөн Ш.Наранчимэг ганц дайчин ганцаардахгүйн үлгэрээр дэлхийн болоод Монголын томоохон дууриудын гол болон туслах дүрүүдэд дуулж, сонгодог урлагийн хүрээнд аль хэдийнээ хүлээн зөвшөөрөгдсөн, өмнө нь хоёр сонгодог тоглолт тавьж байсан дуучин юм. Энэ удаад 3 дахь бие даасан тоглолтоо дэлхийн болоод Монголын алдартай сонгодог бүтээлүүдээс бүрдсэн урын сантайгаар энэ пүрэв гаригт дуурийн тайзнаа хийх гэж байна.

“Урлагийн бурхадын ордонд намайг…” нэртэй энэхүү тоглолтондоо дэлхийн хүлээн зөвшөөрөгдсөн алдартай хөгжмийн зохиолчид болох Ж.Пуччини, Ж.Верди, А.Понкьелли, Монголын сонгодогууд болох Төрийн хошой шагналт Н.Жанцанноров, Төрийн шагналт Б.Шарав, Х.Билэгжаргал, УГЗ Б.Баттөмөр зэрэг хөгжмийн зохиолчдын олонд хүлээн зөвшөөрөгдсөн дуунуудыг дуулах ажээ.

Тухайлбал, Ж.Вердийн “Аида” дуурийн Аидагийн ари, А.Понкьеллигийн “Жоконда” дуурийн Жокондагийн ари, Ж.Пуччинийг “Тоска” дуурийн Тоскагийн ари, Х.Билэгжаргалын “Ламбагуайн нулимс” дуурийн Цэрэнлхамын ари, Н.Жанцанноровын “Хүний заяа”, Б.Шаравын “Аав ээж хоёр минь”, Б.Баттөмөрийн “Цэцэгт цэнхэр алчуур” зэрэг мэргэжлийн цараатай хэрнээ олон түмний дунд ардын дуу мэт болсон дуунуудыг дуулах юм байна.